പാഠം ഒന്ന്‌ : കറുപ്പ്‌
കേരളത്തിലെ ആദിവാസി പെണ്‍കുട്ടികള്‍ അധികവും കറുപ്പ്‌ നിറമുള്ളവരാണല്ലോ,
കറുപ്പിന്‌ ഏഴഴക്കാണല്ലോ അത്‌ കൊണ്ടാവും നാട്ടിലെ പരിഷ്‌കാരികള്‍
കറുപ്പിന്‍റെ മറയില്‍ കറുപ്പിന്‍മേല്‍ വെള്ളപൂശുന്നത്‌.
പാഠം രണ്ട്‌ : ഇരുട്ട്‌
ഇരുളിന്‍റെ അര്‍ത്ഥം കറുപ്പ്‌ തന്നെ..കരിയും കറുപ്പ്‌
ഇരുളിന്‍റെ മറവില്‍ കറുത്തവന്‍ ഒളിച്ചിരുന്നാലും കാണാന്‍ കഴിയില്ല.
സകല ദുഷ്‌കര്‍മ്മങ്ങള്‍ക്കും കൂട്ട്‌ നില്‍ക്കുമത്രെ കറുപ്പ്‌.
എന്ന്‌ കരുതി രാത്രി വേണ്ടയെന്ന്‌ ആരെങ്കിലും പറയുമോ..?
പാഠം മൂന്ന്‌ : കണ്ണ്‌
കണ്ണിന്‍റെ കണ്‍മണി കറുപ്പായത്‌ നന്നായി. വെളുപ്പായിരുന്നെങ്കില്‍
ഇരുട്ടിലിരുന്ന്‌ ഒളിഞ്ഞ്‌ നോക്കുന്നവരെ പിടിക്കൂടുമായിരുന്നില്ലേ..?
പാഠം നാല്‌ : മാറുമോയീ കറുപ്പ്‌
കറുത്ത ബ്ലോഗ്ഗുകള്‍ വീണ്ടും വെളുക്കും
കറുത്ത ബ്ലോഗ്ഗര്‍മാര്‍ വെളുക്കുമോ..??
മനസ്സിലെ കറുപ്പ്‌ മായുമോ..??
പാഠം അഞ്ച്‌ : കണ്‍മഷി
കറുത്ത കണ്ണായത്‌ കൊണ്ട്‌
ആരെങ്കിലും വെളുത്ത കണ്‍മഷി തേക്കുമോ..??
വാല്‍നക്ഷത്രം : ബ്ലോഗ്ഗനൊരുവന്‍ കറുത്തത്‌ കൊണ്ട്‌
ബാക്കിയുള്ളവരൊക്കെ കറുക്കണോ..??
ഇതില്‍ എവിടെയാണ്‌ നിങ്ങള്‍ പറഞ്ഞ സ്വാതന്ത്ര്യം..??
സ്വന്തം അഭിപ്രായം തുറന്ന്‌ പറയുന്നവരെ പുഛിക്കുന്നതോ..??
സത്യമെന്നറിഞ്ഞിട്ടും കണ്ണടക്കുന്നതോ..??
കണ്ണടച്ചാല്‍ ഇരുട്ടാക്കുമെന്ന്‌ ആര്‍ക്കാണറിയാത്തത്‌..??
ഒരു തീപൊരി വീണാല്‍ ഇല്ലാതാക്കുന്നതല്ലേ ഈ കറുപ്പ്‌ എന്ന ഇരുട്ട്‌..??
നന്‍മകള്‍ നേരുന്നു
മന്‍സൂര്‍ , നിലംബൂര്‍
